أنا المصرى زرعت فى وادى النيل ....سلاحى أحلامى و إيمانى
لا حد يعرف إسمى و لا حد يعرف شكلى...و لا دينى و لا عنوانى
كنت أموت و أقول لأبنى فخور إنى...ملوثتش النيل عشان تعيشوا و تبنوا تانى
عرفت العالم اخلاق و حضارة...تناسب كل زمان مش بس زمانى
إسمى أمون لما مت سألونى....بصيت لمراة جارك لو لثوانى
بصيت لضلك لقيتوا اكبر منك...قلتلهم عمر ما غرورى غلبنى و لا نسانى
رويت سينا بدمى لما صرخت الله أكبر...هزت الجبال فى تلاتة و سبعين
نزلت علم كيان قالك إسرائيل ...و عمرها ما هتكون غير فلسطين
من شرقها لغربها و شمالها و جنوبها....يشفونى يقولولى يارتنا مصريين
العالم كله كان يشهدلى ....و قيمة المصرى معروفة من سنين
و يومها نزلت كلى إصرار....عشانك يا بلدى يوم خمسة و عشرين
يوم ما الأبن قال لأبوا لو انتوا الخوف فى قليكوا....بقالوا تلاتين سنة و بتلوموا الزمان
إحنا الخوف فى قلوبنا....ده يابا ملوش مكان
العالم كله إتعلم و بيتعلم الحرية من الميدان
أنا المصرى مين ينافسنى فى حب بلدى....هى الهوى و الإيمان
تأليف : محمد أحمد الجارحى
No comments:
Post a Comment