Saturday, January 11, 2014

فى رثاء الثورة

فى رثاء الثورة
اللى كان طول عمره ثائر و اللى كان حلمه يثور
العايشين فى القصور لسا عايشين فى القصور
و العايشين فى القبور لسا عايشين فى القبور
اللى كان نفسه لبلده تبقى بدل العتمة نور
ردت عليه بلده و قالتله يالا يابنى فى داهية غور
هفضل أطحن فى اللى فوقية و الساقية بيهم تدور 
متضحطش الناس علينا نفسك تحرر الطيور ؟؟
أو تقولى يمكن فى يوم تحصل فى الأمور أمور
تنبح فى صوتك و تنادى غيروا بقى فى النفوس
اللى جهله حاكم وراكب و اللى بيعبد فى الفلوس
و ترجع تانى تقول هفضل أحارب فى الغيوم 
و مصيرها فى يوم تصحى و مصيرها فى يوم تقوم
كل ثورة و أنت طيب و أبقى تعالى كل يوم

الشعر ل : محمد أحمد الجارحى Muhammad Ahmad ElGarhi